07 de junio de 2025

ПОКЛОНЕНІЕ СВЯТОЙ ТРОИЦѢ

Все силы души моея, пріидите, поклонимся Богу, единому въ Троицѣ, Отцу, Сыну и Святому Духу! Все мысли сердца моего, придіите, поклонимся Троице, во единицѣ почитаемой!

Все чувства тѣла моего, придіите, поклонимся, припадемъ и восплачемся предъ Господемъ, сотворшимъ насъ!

Поклоняюсь Тебѣ, Пресвятая, Единосущная, Животворящая и Нераздѣльная Троица, Отче, Сыне и Святый Душе; вѣрую въ Тя и исповѣдую, славлю, благодарю, хвалю, почитаю, превозношу Тя и молю:

Помилуй мя, непотребнаго раба Твоего!

Помилуй мя, непотребнаго раба Твоего!

Помилуй мя, непотребнаго раба Твоего!

Поклоняюсь Тебѣ, Боже Отче, яко отъ изъ небытія привелъ мя еси и украсилъ мя еси Твоимъ Божествен¬нымъ образомъ.

Поклоняюсь Тебѣ, Боже Сыне, яко честною Твоею кровію стяжалъ мя еси, отъ законныя клятвы искупилъ мя еси и крещеніемъ святымъ просвѣтилъ еси.

Поклоняюсь Тебѣ, Боже Душе Святый, яко оживилъ мя еси, вразумилъ мя еси и свѣтомъ вѣры облисталъ мя еси.

Поклоняюсь Тебѣ, Боже Отче, яко далъ ми еси душу Божественнымъ и животворящимъ Твоимъ вдохновеніемъ.

Поклоняюсь Тебѣ, Боже Сыне, яко душу Свою за мя на крестѣ положилъ еси. Поклоняюсь Тебѣ, Боже Душе Святый, «яко избавляеши душу мою отъ смерти, очи мои отъ слезъ и нози мои отъ поползновенія». Поклоняюсь Тебѣ, Боже Отче, яко согрѣшающаго мя, не погубляеши со беззаконіьми моими, но долготерпиши, ожидая моего обращенія.

Поклоняюсь Тебѣ, Боже Сыне, яко не хощеши смерти мѣнѣ грѣшнаго, но милосердно призываеши мя къ покаянію. Поклоняюсь Тебѣ, Боже Душе Святый, яко не презираеши мя обращающася, припадающа не отметаеши, но яко блуднаго сына пріемлеши и обновляеши «духъ правъ во утробѣ моей». Поклоняюсь Тебѣ, Богу Отцу, «очищающему вся беззаконія моя».

Поклоняюсь Тебѣ, Богу Сыну, «исцѣляющему вся недуги моя».

Поклоняюсь Тебѣ, Богу Духу Святому, «избавляющему отъ нетлѣнія животъ мой».

Поклоняюсь Тебѣ, Богу Отцу, «не до конца прогнѣвающемуся, не во вѣкъ враждующему».

Поклоняюсь Тебѣ, Богу Сыну, «не по беззаконіемъ моимъ творящему ми».

Поклоняюсь Тебѣ, Богу Духу Святому, «не по грехамъ моимъ воздающему мнѣ».

Поклоняюсь Тебѣ, Богу Отцу, ущедряющему меня, «якоже щедритъ отецъ сыны».

Поклоняюсь Тебѣ, Богу Сыну, знающему страстное мое естество и слабость.

Поклоняюсь Тебѣ, Богу Духу Святому, врачующему немощи моя и очищающему мя отъ всякія скверны.

Поклоняюсь Тебѣ, Боже Отче, яко падшаго мя возставляеши.

Поклоняюсь Тебѣ, Боже Сыне, яко мя погибшаго взыскуеши. Поклоняюсь Тебѣ, Боже Душе Святый, яко мертваго мя оживляеши.

Поклоняюсь Тебѣ, Боже Отче милосерде, упованіе мое.

Поклоняюсь Тебѣ, Боже Сыне долготерпеливе, при¬бежище мое.

Поклоняюсь Тебѣ, Боже Душе Святый незлобиве, покровителю мой.

Достойно есть, яко воистину поклонятися, славословить и благодарить Тебя, Святая Троица, юже вся небесные силы, херувимы и сѣрафимы, трисвятыми пѣсньми восхваляютъ, вси святіи благодарятъ, всякое созданіе раболѣпно поклоняется, и азъ, бренный, ползающій червь, бездерзновенный предъ величіемъ неприступной Твоей славы, въ надеждѣ милости Твоея дерзаю, безстудно припадаю и молю: даждь всегда кланятися Тебѣ, Создателю моему, неосужденно и неленостно, Тебя единаго знати, Тебѣ лю¬бити и боятися, хранити Твоя повелѣнія, ходити путемъ заповѣдей Твоихъ, Тебѣ хвалити и славити до послѣднего моего издыханія; да и по разлученіи же бреннаго моего тѣла и паки съ нимъ совокупленіи не лиши мя съ угодившими Тебѣ радостнѣ «Святъ, святъ, святъ!» восклицати во вѣки. Аминь.